අප විසින් මෙයට ” ගොවියාගේ අත්පොත” කියා නම් කරන්නේ, එය සැබවින් ම නූතන ගොවියාට ආදී මුතුන් මිත්තන් විසින් පංචසීලය ආරක්ෂා කරමින් එදා කළ ගොවිතැන මෙරටේ නැවත ස්ථාපිත කළ යුතු ය කියන තැන සිට ය.
බුද්ධ වචනයට අනුව ගෘහස්ථ ශීලය වන පංච සීලය රකින්නේ නැතිව මොන ව්‍යාපාරයක් කළත් එය වැඩි කල් කරන්නට නො හැකි වන්නේ ය. පංචසීලය රැකීමෙන් එන ප්‍රතිලාභ පහ ලබන්නට විශේෂයෙන් ගොවිතැන් කරන ගොවි මහත්ම මහත්මීන් ට මේ වටිනා පොත නිසැකයෙන් ම අත්පොතක් වන්නේ ම ය.
රසායනික පොහොර සහ කෘමි රසායනික භාවිතා වන සෑම විටම ගොවියන් අනිවාර්යයෙන් ම ප්‍රාණඝාත අකුසලය සිදුකරගන්න වා ඉතින් එයින් කුමන ප්‍රතිලාභයක් ද ලැබෙන්නේ ඔවුනට? සතර අපායට මග පාදා ගන්නව මිස.
ඔබට තිලක් කන්දේගම මහතා විසින් රචිත මේ වටිනා ග්‍රන්ථය පංචසීලය ආරක්ෂා කර ගනිමින් කල්යල් බලා ගොවිතැන් කර සාර්ථක ගොවියන් බවට පත්වීමේ මග පෙන් වා දෙන්නේ “ආදි අපේ මුතු මිත්තෝ ඉරෙන් හඳෙන් වැඩ ගත්තෝ” යන වැකිය සනාථ කරමින් ය.
තිලක් කන්දේගම මහතා විසින් මේ සිදුකරගෙන යන සමාජ සත්කාරයට අප ණයගැතියි. ඔබතුමාට නිදුක් නිරෝගී සුව ලැබේ වා. ඔබතුමාට තිසරණයේ පිහිට ආරක්ෂාව ලැබේ වා.
මේ වටිනා ග්‍රන්ථයේ “පෙළගැස්ම” කිය වූ සැනින් මෙම පොත ලබා ගැනීමට ඔබ පියවර ගනු ඇති බවට අපගේ විශ්වාසය යි.
සොබාදහම් ගොවිතැන – තිලක් කන්දේගම මහතා විසින් රචිත.
