මහනුවර ඇසළ පෙරහැර මංගල්‍යය සතර මහ දේවාලයන් හි සුබ නැකතට කප් සිටුවීමෙන් ආරම්භ කරන මෙවර ඇසළ පෙරහැර මංගල්‍යයේ කුඹල් පෙරහැර අගෝස්තු මස 5 වනදා ආරම්භ වනවා.
රන්දෝලි පෙරහැර ආරම්භ වන්නේ අගෝස්තු මස 10 වනදායි. එය අගෝස්තු 14 වනදා දක්වා පැවැත්වෙයි. අවසන් රන්දෝලි මහ පෙරහර නිකිණි පුන් පොහෝ දිනය යෙදෙන 14 වැනි දා වීදී සංචාරය කිරීමෙන් පසු 15 දින අලුයම ගැටඹේ දිය කපනා තොටේදී දිය කැපුම් මංගල්‍යය පැවැත්වෙන බවත් එදින දහවල් පෙරහර ගෙවැදීමෙන් පසුව මෙවර මහනුවර ඇසළ පෙරහර මංගල්‍යය අවසන් වීමට නියමිත බවත් දියවඩන නිළමේවරයා ප්‍රකාශ කරයි.
