අභ්‍යාවකාශ විද්‍යාව සහ තාක්ෂණය පිළිබඳ පාසල් ළමයින්ගේ සහ ගුරුවරුන්ගේ දැනුම වර්ධනය කිරීමේ අරමුණින් වැඩමුළුවක් හෙට (12) මොරටුව, කටුබැද්ද නවීන තාක්ෂණය පිළිබඳ ආතර් සී. ක්ලාක් ආයතනයේදී පැවැත්වේ.
මේ වැඩමුළුවට පාසල් සිසුන් සහ ගුරුවරුන් 200ක පමණ පිරිසක් තෝරාගෙන ඇත. එහිදී අභ්‍යාවකාශ විද්‍යාව සහ තාක්ෂණය පිළිබඳ මූලික දැනුමක් දීමටත්, රොකට් තාක්ෂණය පිළිබඳ න්‍යායන් සාකච්ඡා කිරීම සහ ජල රොකට් නිර්මාණය පිළිබඳ ප්‍රායෝගික අත්දැකීම් දීමටත් සැලසුම් කර ඇත. මෙහිදී රාවණා-1 සහ කිට්සුනේ නැනෝ චන්ද්‍රිකාව නිපදවූ ඉංජිනේරුවන්ගේ තාක්ෂණික දැනුම ගැනීමේ අවස්ථාව සැලසේ.
