ශ්‍රී ලංකාව හා භූතානය අතර කොළඹ තුරඟ තරග පිටියේ ඊයේ පැවති තරගයේදී ජයග්‍රාහී ගෝල් ලබා ගෙන ශ්‍රී ලංකාව මේ වටිනා ජයග්‍රහණය කරා ගෙන ගියේ විදේශීය පාපන්දු තරග බිමේ ක්‍රීඩා කරමින් බොහෝ අත්දැකීම් ලබා ගෙන සිටින ක්‍රීඩකයින් දෙදෙනෙක්.
තරගයේ පළමු භාගය අවසන් වන විට දෙපිලෙන් ම ගෝල් වාර්තා වී තිබුනේ නැහැ. එහෙත් විරාමයෙන් පසුව නව ජවයකින් යුතුව පිටියට පිවිසි ශ්‍රී ලංකා කණ්ඩායම ගොල් ලබා ගැනීමට වැඩි වේලාවක් වැය කළේ නැහැ.
ශ්‍රී ලංකාව වෙනුවෙන් දෙවැනි ගෝලය තරගයේ 56 වැනි මිනිත්තුවේදී ලබා ගත්තේ ඔස්ට්‍රේලියා/ශ්‍රී ලංකා ද්විත්ව පුරවැසිලාභී ඔලිව කෙලාට් (Oliver James Kelaart Torres). ඔස්ට්‍රේලියාවේ උපන් 25 හැවිරිදි කෙලාට් අයිස්ලන්තයේ UMF Njarovik පාපන්දු සමාජයේ ඉදිරි පෙළ ක්‍රීඩකයෙකු ලෙස ක්‍රීඩා කරනවා.
ඊයේ තරගයේ අවසන් කාලයේ පිටියට පිවිසෙමින් පළපුරුදු ක්‍රීඩක මොහමඩ් ෆසාල් ශ්‍රී ලංකාව වෙනුවෙන් ඔහුගේ විශිෂ්ට පාපන්දු ක්‍රීඩා දිවිය අවසන් කළා.
මෙම ජයග්‍රහණය ශ්‍රී ලංකා කණ්ඩායමක් වසර 11 කට පසුව භූතානය පැරදවූ පළමු අවස්ථාව ලෙස සටහන් විය.
පසුගිය වසරේ ක්‍රියාත්මක වූ ෆිෆා තරග තහනමෙන් පසු ශ්‍රී ලංකාව ලැබූ පළමු ජාත්‍යන්තර ජයග්‍රහණය මෙය වෙයි.
ෆිෆා ශ්‍රී ලංකා කලාපීය තරගාවලිය යටතේ ශ්‍රී ලංකාව සහභාගි වූ පළමු තරගය පැපුවා නිව්ගිනියාව සමග ගෝල 0-0 ක් ලෙස ජය පැරදුමෙන් තොරව අවසන් කර ගැනීමට ශ්‍රී ලංකාව සමත් විය.
අතිවිශාල ක්‍රීඩා ලෝලීන් පිරිසකගේ සහභාගිත්වයෙන් මෙම තරගය කොළඹ රීඩ් මාවත තුරඟ තරග පිටියේදී පැවැත්විණි.
ශ්‍රී ලංකාව සහ භූතානය අතර පාපන්දු තරග ඉතිහාසය අනුව අවසන් වරට 2013 වසරේ දී ශ්‍රී ලංකාව විසින් 5-2 ක් ලෙස භූතානය පරාජයට පත් කර ඇත.
එමෙන්ම ශ්‍රී ලංකාව විසින් භූතානය පරාජයට පත් කරන ලද 6 වැනි අවස්ථාව මෙය වෙයි.
මේ අතර 2015 වසරේදී භූතානය විසින් ශ්‍රී ලංකාව තරග 2 කදී පිට පිටම ගෝල 1-0 සහ ගෝල 2-1 ක් ලෙස පරාජය කොට තිබුණි.
