එප්පාවල, කටියාව යාය 10 ප්‍රදේශයේ නිවසක ඉදිරිපිට ගොඩ ගසා තිබූ වී ගෝනී සොරකම් කිරීමට පැමිණි පුද්ගලයකුගේ උත්සහයක් එම නිවසේ නිවැසියන් අවදිවීම නිසාවෙන් ව්‍යර්ථ වන අයුරු සී.සී.ටී.වී කැමරාවක සටහන් වී ඇත.
මේ දින වල කුඹුරු හිමියන්, තම අස්වැන්න නෙලා ගෙනවිත් නිවෙස් ගොඩ ගසා තිබීම මෙම ගම්මාන වල සාමාන්‍යය දෙයකි.ඒ අයුරින් එප්පාවල කටියාව යාය 10 ප්‍රදේශයේ නිවසක තිබූ වී ගෝනී සොරකම් කිරීමට පුද්ගලයකු ඊයේ (10) අලුයම 4.20 ට පමණ අදාළ නිවසට ඇතුළු වන ආකාරය එම නිවසේ සී.සී.ටී.වී කැමරාවක සටහන් වී ඇත.කෙසේ නමුත් නිවැසියන්ගේ අවදිවීමත් සමඟින් සොරකමට පැමිණි පුද්ගලයා පළා යන අයුරුද සටහන් වී ඇත.
අදාළ දර්ශණ පරික්ෂා කර සොරකමට පැමිණි එම ගම්මානයේ පුද්ගලයාද හදුනා ගෙන ඇති අතර, ඔහු තදින් මතට ඇබ්බැහි වූවෙකු බවද ගම්වාසීන් පවසයි.
තිසර සමල්
