බෝපත්තලාව හරිත කන්ද පාමුල යුකෙලෙප්ස්ටික් වන වගා රක්ෂිතයක (15) දින රාත්‍රියේ ගින්නක් හටගෙන ඇති බව බගවන්තලාව පොලිසිය පැවසිය.
හරිත කන්ද පාමුල පිහිටි බගවන්තලාව රොග්ගිල් වතුයායට අයත් යුකෙලෙප්ස්ටික් වන වගා රක්ෂිතයක මෙම ගින්න හටගෙන ඇති බවයි හැටන් වන අඩවි කාර්යාලයේ අඩවි වන නිලධාරින් කියා සිටියේ.
මධ්‍යම කදුකරයේ බටහිර බැවුම් ප්‍රදේශවල පවතින දැඩි වියළි කාලගුණයත් සමග කිසියම් පිරිසක් වන වගා රක්ෂිතයට ගිනි තබන්නට ඇති බවත්, ගින්න හරිත කන්ද දෙසට පැතිර යාම පාලනය කිරිමට පියවර ගෙන ඇති බවද අඩවි වන නිලධාරින් පැවසිය.
මෙවැනි රක්ෂිත වලට ගිනි තබන අය පිලිබදව තොරතුරු වෙතොත් ඒ පිලිබදව තම කාර්යාලයට හෝ ළගම ඇති පොලිස් ස්ථානයට දැනුම් දෙන ලෙස හැටන් වන අඩවි කාර්යාලයේ නිලධාරින් මහජනතාවගෙන් ඉල්ලා සිටියි.
රංජිත්
