T20 ලෝක කුසලාන ක්‍රිකට් තරඟාවලියේ ශ්‍රී ලංකා කණ්ඩායමේ පෙරහුරු තරඟ අද ආරම්භ වනවා. ශ්‍රී ලංකාවේ පළමු පෙරහුරු තරඟය අද පැවැත්වෙන්නේ සිම්බාබ්වේ කණ්ඩායම සමඟයි.
ශ්‍රී ලංකා ක්‍රිකට් පිළි ලබන බ්‍රහස්පතින්දා අයර්ලන්තය සමඟ ද තවත් පෙරහුරු තරඟයකට එක්වනවා.
පෙරහුරු තරඟ ආරම්භ වූයේ ඊයේ දිනයේයි. එහිදී එක්සත් අරාබි එමීර් රාජ්‍ය කණ්ඩායම ලකුණු 17 කින් පරාජය කිරීමට බටහිර ඉන්දිය කොදෙව් කණ්ඩායම සමත් වුණා. ඊයේ පැවති දෙවන තරඟයෙන් ස්කොට්ලන්තය විසින් නෙදර්ලන්තය පරාජය කරනු ලැබුවේ ලකුණු 18 කින්.
ශ්‍රී ලංකා ක්‍රිකට් කණ්ඩායම සහභාගි වන ලෝක කුසලාන තරඟාවලියේ සුදුසුකම් ලැබීමේ තරඟ ලබන(16) ආරම්භ වනවා.
