පකිස්ථාන කණ්ඩායම 2022 ආසියානු කුසලාන ක්‍රිකට් තරගාවලියේ අවසන් මහා තරගයට සුදුසුකම් ලබා ගත්තේය.
ඒ, සුපිරි සිව්දෙනාගේ වටයේ ඇෆ්ගනිස්ථානයට එරෙහිව පැවැති තරගයෙන් එක් කඩුල්ලක තියුණු ජයක් ලබා ගනිමිනි.
සාජාහිදී පැවති තරගයේ පළමුවෙන් පන්දුවට පහර දුන් ඇෆ්ගනිස්ථාන කණ්ඩායම පන්දුවාර 20 අවසානයේ කඩුලු 6 ක් දැවී රැස් කළ ලකුණු සංඛ්‍යාව 129 කි.
පිළිතුරු ඉනිම ක්‍රීඩා කිරීමට පිටියට පිවිසි පාකිස්තාන කණ්ඩායම පන්දුවාර 19 යි පන්දු 2 ක් තුළ කඬුලු 09 ක් දැවී සිය ජයග්‍රාහී ඉලක්කය පසුකර ගියා. ශඩාබ් ඛාන් ලකුණු 36 යි. පන්දු යැවීමේදී ෆරිඩ් අහමඩ් සහ ෆසාල්හක් ෆරූකි අතර කඬුලු 03 බැඟින් බෙදී ගියා.
ඒ අනුව ලබන 11 වනදා පැවැත්වෙන ආසියානු කුසලාන ක්‍රිකට් තරඟාවලියේ අවසන් මහා තරඟයේදී ශ්‍රී ලංකා කණ්ඩායම සහ පාකිස්තානු කණ්ඩායම ඩුබායිහිදී මුණ ගැසෙනු ඇති.
