ආසියානු ක්‍රිකට් තරගාවලියේ ශ්‍රී ලංකාවේ ඉදිරි ගමනට බෙහෙවින් බලපාන තරගයක් ලෙසින් පැවැත්වෙන ඇෆ්ගනිස්තානය සහ බංග්ලාදේශය අතර තරගය අද (30) රාත්‍රී 7.30ට සාජා ක්‍රිකට් ක්‍රීඩාංගණයේදී ආරම්භ වේ.
පළමු තරගයේ ලද පරාජයත් සමගින් ශ්‍රී ලංකාවට ‘බී’ කාණ්ඩයෙන් සුපිරි කණ්ඩායම් හතර අතර තරගාවලියට පිවිසීමට නම් අද බංග්ලාදේශ කණ්ඩායම ඇෆ්ගනිස්තානය හමුවේ පරාජය වී මීළඟ තරගයේදී ශ්‍රී ලංකාව හමුවේද පරාජය විය යුතුය.
එසේ නොමැතිව අද තරගය බංග්ලාදේශය ජයගතහොත් අනිද්දා (01 ) බංග්ලාදේශය සමග පැවැත්වෙන තරගයේදී ශ්‍රී ලංකාව ඉහළ ශූද්ධ ලකුණු ලබා ගැනීමේ වේගයකින් ජය ගත යුතුය.
