පාසල් දිවා ආහාර වෙනුවෙන් ඇමරිකානු ප්‍රදානයක් සිදු කළ අවස්ථාවක් වූ මෙය ඊයේ වත්තල පැවති උත්සවයකදී ලබාගත් ඡායාරූපයකි.
මේ ගැන පළවන විවේචන වලින් පැවසෙන්නේ කලකට ඉහත පෙරදිග ධාන්‍යාගාරය වූ ශ්‍රී ලංකාව දැන් පරිප්පු ඇටයට පවා දෑත් දිගු කරන අසරණ තැනට වැටී ඇති බව පිළිබිඹු කරන්නක් බවයි.
පාසල් සිසුන්ගේ දිවා ආහාරය සඳහා පරිප්පු මෙට්‍රික් ටොන් 2,000ක් මෙම ප්‍රදානය යටතේ මෙරටට ලැබී ඇත. ඊට අමතරව රෝස සැමන් මෙට්‍රික් ටොන් 890ක් ද ලැබුණි.
ඇමරිකානු තානාපති, ජූලි චං මහත්මිය (Julie Chung) වත්තල, මුතුරාජවෙල පිහිටි ‘ස්පෙක්ට්‍රා’ ගබඩා සංකීර්ණයේ දී නිල වශයෙන් මෙම භාරදීම සිදු කෙරිණි.
