තරග තුනකින් සමන්විත ශ්‍රී ලංකා – ඕස්ට්‍රේලියා 20යි 20 තරඟාවලියේ පළමු තරගය අද ආරම්භ වීමට නියමිත යි.
පස්වරු 7ට කොළඹ ආර්. ප්‍රේමදාස ක්‍රීඩාංගණයේ දී ආරම්භ වන මෙම තරගය සඳහා එරන් ෆින්ච්ගේ නායකත්වයෙන් යුත් ඕස්ට්‍රේලියා කණ්ඩායම ඊයේ නම් කෙරුණා.
ජුනි 07 සහ 08 යන දෙදින තුළ කොළඹ ආර්. ප්‍රේමදාස ක්‍රීඩාංගණයේ දී පැවැත්වෙන මෙම තරග ද්විත්වයේ ප්‍රවේශපත් නිකුත් කිරීමෙන් පැය කිහිපයක් තුළ විකිණී අවසන්වී ඇත.
2016 වසරෙන් පසුව ඕස්ට්‍රේලියානු ක්‍රිකට් කණ්ඩායම ශ්‍රී ලංකාවේ සංචාරය කරන පළමු අවස්ථාව මෙය වන අතර ජුනි 07 වැනිදා ඇරඹෙන මෙම තරගාවලියට විස්සයි විස්ස තරග තුනක්, එක්දින තරග පහක් සහ ටෙස්ට් තරග දෙකක් ඇතුළත් වෙනවා.
තරගාවලියේ අනෙක් තරග සඳහා ප්‍රවේශපත් තවමත් නිකුත් කර නොමැති අතර නිකුත් වූ වහාම ශ්‍රී ලංකා ක්‍රිකට් ආයතනයේ නිල වෙබ් අඩවියෙන්, ශ්‍රී ලංකා ක්‍රිකට් ආයතනයෙන්, ගාල්ල ක්‍රිකට් ක්‍රීඩාංගණයෙන් සහ පල්ලෙකැලේ ජාත්‍යන්තර ක්‍රිකට් ක්‍රීඩාංගණයෙන් ප්‍රවේශපත් මිල දී ගැනීමට හැකි.
