ලෝක ප්‍රසිද්ධ අධ්‍යාත්මික නායක, දලයි ලාමා තුමන්ගේ අනුගාමිකයකු වන, ටිබෙට් ජාතික අධ්‍යාත්මික නායකයකු මෙන්ම සැදැහැවත් බෞද්ධ හිමිනමක් වන, අති උතුම් ලිං රින් පෝචේ (His Eminence Lin Rin Poche ), හිමියෝ පසු ගිය දා (03)කළුතර වස්කඩුවේ රාජගුරු ශ්‍රී සුභූති රජ මහා විහාරාධිපති, අමරපුර සම්බුද්ධ ශාසනෝදය නිකායේ මහා නායක, ශාස්ත්‍රපති වස්කඩුවේ මහින්දවංශ නා හිමියන් බැහැ දැකීමට එම විහාරස්ථානයට පැමිණියහ.
තවත් විදේශීය බෞද්ධ හිමිවරුන් දෙනමක් ද සමඟ එහි වැඩම කළ උන් වහන්සේ එම විහාරස්ථානයේ ස්ථාපිත සර්වඥ ධාතු මන්දිරයට වැඩම කොට කපිලවස්තු සර්වඥ ධාතුන් වැඳ පුදා ගැනීමෙන් අනතුරුව ,එම විහාරස්ථානයේ පිහිටි දර්ශනීය ධර්ම ශාලාවට වැඩම කොට ,මෙරට මහා සංඝයා වහන්සේලා ද සමඟ,විහාරාධිපති වස්කඩුවේ මහින්දවංශ මහ නා හිමියන් සමග ,සුහද සාකච්ඡාවක නිරත විය.
