ශ්‍රී ලංකා මහජන උපයෝගිතා කොමිෂන් සභාව (PUCSL), විදුලිබල කර්මාන්තයේ නියාමන ආයතනය සහ ජල සේවා කර්මාන්තය සඳහා නම් කරන ලද නියාමන ආයතනය, තෘතීයික හා වෘත්තීය අධ්‍යාපන කොමිෂන් සභාව (TVEC), වෘත්තීය පුහුණු අධිකාරිය (VTA) සහ ජාතික ආධුනික සහ කාර්මික පුහුණු කිරීමේ අධිකාරිය සමඟ 2021 දෙසැම්බර් 14 වැනි දින ශ්‍රී ලංකාවේ ජලනල කාර්මිකයන් සඳහා ජාතික වෘත්තීය සුදුසුකම් මට්ටම 03 සහ 04 මට්ටම නොමිලේ ලබා දීමට අවබෝධතා ගිවිසුමක ආත්සන් කරන ලදී.
2002 අංක 35 දරන ශ්‍රී ලංකා මහජන උපයෝගිතා කොමිෂන් සභා පනත මගින් ශ්‍රී ලංකාවේ ජල සේවා කර්මාන්තය නියාමනය කිරීමට මහජන උපයෝගිතා කොමිෂන් සභාව වෙත නම්කර ඇත. කෙසේ නමුත් ශ්‍රී ලංකා මහජන උපයෝගිතා කොමිෂන් සභාවේ නියාමනයට යටත්වන පරිදි පවතින ජල සේවා කර්මාන්ත පනත සහ නියාමන රාමුව කෙටුම්පත් කර ඇතත් තවමත් බලාත්මක තත්වයේ නොමැත. කෙසේ නමුත් ජල සේවා කර්මාන්තයේ හඳුනාගත් නියාමන ආයතනය ලෙස කර්මාන්තයේ අභිවෘද්ධිය උදෙසාත් ජල සේවා කර්මාන්තයේ පාරිභොගිකයන්ගේ අභිලාශයන් ආරක්ෂාකරීමට මැදිහත් වීමට ශ්‍රී ලංකා මහජන උපයෝගිතා කොමිෂන් සභාව හැකි සෑම අවස්ථාවකම ක්‍රියා කරනු ලබයි. මෙම ව්‍යාපෘතිය තුලින් ජල සේවා පාරිභෝගිකයාගේ ආරක්ෂාව ඉහල නැන්වීම, ජල නාස්තිය අවම කිරීම, ජල සංරක්ෂනය සහ සේවා ගුණාත්මකභාවය ඉහල නැන්වීම අරමුණු කරන බව ශ්‍රී ලංකා මහජන උපයෝගිතා කොමිෂන් සභාවේ සභාපති ජනක රත්නායක මහතා ප්‍රකාශ කරනු ලබයි.
ශ්‍රී ලංකාවේ ජලනල කාර්මිකයන් 10,000ක් පමණ සිටින අතර ඔවුන්ගෙන් වැඩි දෙනෙකුට කිසිදු සුදුසුකමක් නොමැත. එබැවින්, පෙර ඉගෙනුම් (RPL) පද්ධතිය යටතේ NVQ3 සාක්ෂාත් කර ගැනීම සඳහා ජල සේවා කර්මාන්තයේ නියැලී සිටින ජලනල කාර්මික ශිල්පීන් සවිබල ගැන්වීම, ආරක්ෂාව ප්‍රවර්ධනය කිරීම, නාස්තිය අවම කිරීම, සංරක්ෂණය ප්‍රවර්ධනය කිරීම, සේවා ගුණාත්මකභාවය ඉහළ නැංවීම සහ නළ ජලය සඳහා මුදලට වටිනාකමක් ලබා දෙනු ඇත.
“මෙම වැඩසටහන ශ්‍රී ලංකා මහජන උපයෝගිතා කොමිෂන් සභාව විසින් පූර්ණ අනුග්‍රහය දක්වන අතර එහිදී ජලනල කාර්මික ශිල්පියාට විභාග ගාස්තු, පාඨමාලා ගාස්තු, ද්‍රව්‍ය සහ සුදුසුකම් ලබා ගැනීම සඳහා අවශ්‍ය අනෙකුත් අවශ්‍යතා සඳහා ගෙවීමට අවශ්‍ය නොවේ.” රත්නායක මහතා වැඩිදුරටත් පැවසීය.
RPL වැඩසටහන යටතේ, ශ්‍රී ලංකා මහජන උපයෝගිතා කොමිෂන් සභාව විසින් ජලනල ශිල්පීන්ගේ දැනුමට ප්‍රවේශ වීම, දැනුමේ අඩුපාඩු හදුනාගෙන ඉගැන්වීම කටයුතු සිදුකර දින 04ක් ඇතුළත විභාග පැවැත්වීම සහ ජලනල ශිල්පීන්ට කිසිදු වියදමකින් තොරව සහතිකය ප්‍රදානය කරනු ඇත. ජලනල ශිල්පීන් 100 දෙනෙකුගේ සහභාගීත්වයෙන් කළුතර දිස්ත්‍රික්කයේ ජලනල කාර්මිකයින් සඳහා NVQ3 සුදුසුකම් ප්‍රදානය කිරීමේ පළමු වැඩසටහන ශ්‍රී ලංකා මහජන උපයෝගිතා කොමිෂන් සභාව විසින් ඊයේ දියත් කරන ලදී.
මෙම වසර මුලදී ශ්‍රී ලංකාවේ විදුලි කාර්මිකයන් සඳහා ශ්‍රී ලංකා මහජන උපයෝගිතා කොමිෂන් සභාව විසින් මෙවැනිම වැඩසටහනක් හඳුන්වා දුන් අතර එමගින් විදුලි කාර්මිකයන් 5000කට අධික පිරිසක් NVQ-3 සුදුසුකම් ලබා ඇත. NVQ3 යනු විදුලි කාර්මික බලපත්‍රයක් ලබා ගැනීමේ අවම සුදුසුකමයි. එසේම, ශ්‍රී ලංකාවේ සූර්ය තාක්‍ෂණ ශිල්පීන්ගේ දැනුම ඉහළ නැංවීම සඳහා ශ්‍රී ලංකා මහජන උපයෝගිතා කොමිෂන් සභාව වැඩසටහනක් දියත් කළ අතර මේ වන විට සූර්ය තාක්‍ෂණ ශිල්පීන් 1000 කට වැඩි පිරිසක් සුදුසුකම් ලබා ඇත.
