පන්දුවාර 20යි 20 ලෝක කුසලාන ක්‍රිකට් තරගාවලියට සහභාගී වීම සඳහා ඩුබායි වෙත ගොස් සිටි ශ්‍රී ලංකා ක්‍රිකට් කණ්ඩායම අද(06) අලුයම 1.00 පමණ දිවයිනට පැමිණි‌යේ ය.
මෙවර තරගාවලියේ සුදුසුකම් ලැබීමේ වටයේ සියලු තරග ජයගැනීමට ශ්‍රී ලංකා කණ්ඩායමට හැකිවිය.
සුපිරි 12 දෙනාගේ වටයේ බංග්ලාදේශයට එරෙහිව හා බටහිර ඉන්දීය කොදෙව් කණ්ඩායමට එරෙහිව පැවැති තරග විශිෂ්ට ලෙස ජයගැනීමට ශ්‍රී ලංකා කණ්ඩායම සමත් විය.
සෙසු තරග පරාජය වීම හේතුවෙන් අවසන් පූර්ව වටයට පිවිසීමේ අවස්ථාව ශ්‍රී ලංකා කණ්ඩායමට අහිමි විය.
