2021 ලංකා ප්‍රිමියර් ලීග් තරඟාවලිය දෙසැම්බර් 05 වනදා ආරම්භ කිරීමට සැලසුම් සූදානම් කර ඇති බව ශ්‍රී ලංකා ක්‍රිකට් ආයතනය නිවේදනය කළේය.
පළමු තරඟය ගාල්ල සහ යාපනය කණ්ඩායම අතර පැවැත්වෙයි. රාත්‍රී 07 යි 30 ට එය ආරම්භ වනවා.
පළමු වටයට තරග 20 ක් ඇතුළත් වන අතර ඒවා සියල්ල කොළඹ ආර් ප්‍රේමදාස ක්‍රීඩාංගණයේදීයි පැවැත්වෙන්නේ.
අවසාන මහා තරගය මෙන්ම අවසන් පූර්ව වටයේ තරග සියල්ල පැවැත්වෙන්නේ සූරියවැව ක්‍රීඩාංගණයේදීයි.
අවසාන මහා තරගය පැවැත්වෙන දිනය ලෙස දෙසැම්බර් 23 වනදා නම් කර ඇති අතර අතිරේක දිනය ලෙස දෙසැම්බර් 24 වනදා වෙන් කර තිබෙනවා.
