ඇෆ්ගනිස්තානය පැරදවීමෙන් ආත්ම විශ්වාසය ඉහළ නැංවුණා

ලෝක කුසලාන ක්‍රිකට් තරගාවලියේ පළමු ජයග්‍රහණය වාර්තා කරමින් ශ්‍රී ලංකාව ඩක් වර්ත් ලුවිස් ක්‍රමයට ලකුණු 34 කින් ඇෆ්ගනිස්තානය පරාජය කළේය.

ශ්‍රී ලංකාව ලැබූ මෙම ජය පිළිබඳව අදහස් පල කරන පුහුණුකරු හතුරුසිංහ පවසන්නේ මෙම ජයත් සමග ශ්‍රී ලංකා පි‍ලේ ආත්ම විශ්වාසය ඉහළ නැවුණු බවයි.

මෙම ජය ඉතා වැදගත් බවත් සියලුම ක්‍රීඩකයන් රට වෙනුවෙන් ඉදිරි තරගවලදී උපරිම දස්කම් දක්වනු ඇති බවත් හතුරුසිංහ විශ්වාසය පළ කළේය.

මෙම තරගයේදී ශ්‍රී ලංකාව වෙනුවෙන් කුසල් ජනිත් විශිෂ්ට ඉනිමක් ක්‍රීඩා කරමින් පන්දු 81 දී හතරේ පහර 8 ක් සහිතව ලකුණු 78 ක් ලබාගත් අතර දිමුත් ලකුණු 30 ක්ද තිරිමාන්න ලකුණු 25 ක්ද ලබාගත් අතර මැද පෙළ අසාර්ථක විය.

නුවන් ප්‍රදීප් ලකු2ණු 31 ට කඩුලු 4 ක්ද ලසිත් මාලිංග ලකුණු 39 ට කඩුලු 3 ක්ද ලබා ගත්තේය.