සෞභාග්‍යයේ දැක්ම ප්‍රතිපත්ති ප්‍රකාශයේ සඳහන් වූ ‘පුරවර විශ්වවිද්‍යාල’ වැඩසටහන අරඹමින් එහි පළමු සරසවිය කෑගල්ල දිස්ත්‍රික්කයේ, පින්නවල ප්‍රදේශය කේන්ද්‍ර කරගනිමින් ඉදිරි සති කිහිපය තුළදී ආරම්භ කරන බව ජනාධිපති ගෝඨාභය රාජපක්‍ෂ මහතා පැවසීය.
පුරවර විශ්වවිද්‍යාල වැඩසටහනෙහි අපේක්ෂාව ආර්ථිකයට සෘජුව සම්බන්ධ විය හැකි හෝ ස්වයං රැකියාවක නිරත විය හැකි දැනුමක් සහිත පුද්ගලයෙකු නිර්මාණය කිරීම බව ජනාධිපතිවරයා සඳහන් කළේය.
නව තාක්ෂණය සමග, රැකියා වෙළෙඳපොළ ඉලක්ක කරගනිමින්, කුසලතා පූර්ණ උපාධිධාරීන් බිහිකිරීමේ අරමුණින් දිවයින පුරා සියලු දිස්ත්‍රික්ක ආවරණය වන පරිදි පුරවර විශ්ව විද්‍යාල ස්ථාපිත කෙරේ.
උසස් පෙළ විභාගයෙන් අනතුරුව විශ්ව විද්‍යාල ප්‍රවේශය සඳහා සුදුසුකම් ලබන පිරිසෙන් සියයට 80කට විශ්ව විද්‍යාල ප්‍රවේශය අහිමි වන අතර ආර්ථික හැකියාව ඇති අය පෞද්ගලික හෝ විදෙස් විශ්ව විද්‍යාල සඳහා යොමු වන අතර ආර්ථික ශක්තියක් නැති, කුසලතා පූර්ණ දරුවන්ට රැකියා වෙළෙඳපොළට සරිලන උපාධියක් පිරිනැමීම පුරවර විශ්ව විද්‍යාල වැඩසටහනේ අපේක්ෂාව වේ.
කෑගල්ලෙන් ඇරඹෙන පුරවර විශ්ව විද්‍යාල වැඩසටහන කඩිනමින් දිවයින පුරා ක්‍රියාත්මක කිරීමට පියවර ගතයුතු බවද ජනාධිපතිවරයා කීවේය.
lanka gossip, sri lanka, x, xx, sex, nud, xvid, mp3, song
