ඉපැරැණි දේව කථාවල සඳහන් වන්නේ දුර්ගාදේවී මෙලොවට පහළව ඇත්තේ මිනිස්‌ සත්වයාගේ සියලු දුක්‌ කරදර නිවා දුෂ්ඨ බව, දුර්භික්‍ෂයන් හා ග්‍රහ මඬුල්ලෙන් සිදුවන මාරක ඒරාෂ්ඨක අපල උපද්‍රාවන් දුරුකර ශාන්තියක්‌ සෙතක්‌ උදාකර ලීමටය. භාරත ඉන්දියානු හින්දි භක්‌තිකයන් වගේම සිංහල බෞද්ධයන් තමාගේ දුක්‌ කරදර ආදියෙන් මිදී සැපත කරා පිය නගන්නට අදත් දුර්ගාදේවී සඳහා පුද පූජා පවත්වති.
ඉපැරැණි භාරතීය දේව පුරාණ කතාවල සඳහන්ව ඇත්තේ සුර අසුර යුද්ධයේදී දැඩි කෝපයට පත් වීමේදී මහේෂ්වරී දෙවඟනගේ හිසෙන් දුර්ගා දේවිය මෙලොව උපත ලැබූ බවත්, එසේ පහළවී අත්දහයක්‌ හා සිංහ වාහනයක්‌ මවාගෙන ඒ අත් දහයට කඩුව, දුන්න, හෙල්ල, ත්‍රිශූලය, තැටිය, තෝමරය, අංකුසය, යදම්වැල, සංඛය, කෙටේරිය කින් යුක්‌තව මහා බල ඇති දුර්ගා දේව අවතාරය අසුරයාගේ හිස ගසා සියලු දුක්‌, බය, දුර්භික්‌ෂය නැති කළ බවත්, අසුර සංහාරය කළ බවත් කියෑවේ. එනිසා අදත් භාරතීය මෙන්ම ලක්‌දිව වෙසෙන හින්දු භක්‌තීන් ඇය සිහි කිරීම සඳහා දේවාලවල පළමුව පවත්වන නව රාත්‍රි දිනය ඒ සඳහා වෙන්කොට ඇත. මෙම පූජාවේදී මුල්ම දින තුන දුර්ගාදේවිය සඳහාද, ඊළඟ දින තුන ලක්‍ෂ්මී වත මහා ලක්‍ෂ්මී දේවිය සඳහාද, සරස්‌වතී දේවිය සඳහා අවසාන දින තුනද වෙන්කොට පූජාවන් පවත්වති.
මෙම දුර්ගාදේව පිදුම් පැරැණි පාරම්පරික ක්‍රමයන් අනුගමනය කරමින් පවත්වා තම සතුරු කරදර, උවදුරු හා කපා ඉවත් කරන්ට බැරි කොඩිවින දොaෂයන් බංගකර ඒරාෂ්ඨක මාරක ග්‍රහ අපල දුරුකර නිරෝගිබව ආයුෂ හා සෙත සැලසී සෞභාග්‍ය ළංකර ගැනීමට හැකි බව පැවසිය හැකිය.
මෙම පූජාවන් පැවැත්වීමේදී පළමුව ඒ සඳහා වෙන්කළ ස්‌ථානයක උතුර, ඊශාන, නැගෙනහිර දෙස සුදු හඳුන් එලගොම, සහ මිශ්‍රකර කිලිවලින් පවිත්‍ර වීමට කිලිහරණය වීමට සැම තැනම ඉස අඩි තුනක්‌ උසැති මල් යහනාවන් හදා සුදු පිරුවටයක්‌ එලා ඇඹුල් කෙසෙල් දලු එලා නෑඹුල් කොතලයක්‌ ගෙන එයට අලුත් ළිඳකින් ජලය පුරවා බුලත් කොළ හතක්‌ නෙළුමක්‌ ආකාරයට තබා ඒ මත කවාකාරව සුදු කැකුලු හාල් හෝ තණ හාල් අතුරා කොතලය එහි තබා එය තුළට පුවක් මල්, පොල්මල් දමා පුන්කළසක්‌ ලෙස සකසා ඒ මත මුඩ්ඩ උඩට සිටින සේ පොල්ගෙඩියක්‌ ගෙන එහි තබා එහි මැද කහ, හඳුන් මිශ්‍ර තිලකයක්‌ තියා, තම නළලතද තිලකයක්‌ තියා තුල්සි කොළ හතක්‌, බෙලිකො හතක්‌ කොහොඹ කොළ හතක්‌ එකට අමුණා මල්මාලයක්‌ තනා මුට්‌ටිය කට වටේ පළඳවා ත්‍රිකෝණාකාරව ඊශ්වර, ගණේෂ මහේෂ්වරී වෙනුවෙන් අබ තෙල්, කොහොඹ තෙල්, එළඟිතෙල් පහන් තුනක්‌ දල්වා සුවඳ කූරු, සාම්බ්‍රානි, කපුරු දුම් ආදිය දල්වා සුවඳ දී මෙම මාන්ත්‍රය තුන්වරක්‌ කියවන්න. කපුරු පහනක්‌ දල්වා අතට ගෙන
“ඕම් කාර පංජර සුහිම් උබනිෂ්ෂදු දුක්‌යාන කේල කාල කන්ඩීම් ආහම පිපින මයුරීම් අයර්ය මන්දර් වීපාවයෙත් ගෞරීම්,
මෙය කියවා සුදු මල් ගෙන එක මල බැගින් දමන්න. මේ මන්ත්‍රය තුන්වරක්‌ හෝ හත් වරක්‌ කියන්න. මෙසේ දින නවයක්‌ කියවා පූජාසනයේ ඇති පොල් ගෙඩිය බිඳ කළයේ ජලය සමඟ මිශ්‍රකර හිස සිට දෙපතුල දක්‌වා ශරීරය දෝවනය කරන්න. නිවසෙහි භූමිය හැමතැන ඉසින්න. ඔබටත් ඔබ පවුලේ සැමටත් සියලු දුර්භාග්‍ය දුරුවී මහා ශාන්තියක්‌ සෙතක්‌ උදාවේ. තමාගේ භූමියේ ඇති කපන්නට බැරි කොඩිවින පුපුරා යයි යක්‍ෂ, භූත, අමනුෂ්‍ය මල පෙරේතයන් පලායයි. හිර බන්දන කටු ගැසීන්, වැල් පැන්නුම්, ඉරි පැන්නුම්, කැපීයයි. නපුරු මාරක ග්‍රහ අපල තුරංවෙයි. සතුරු කරදරවලට සතුරාගේ නම කහ කොළයේ ලියා දින නවයක්‌ පහනේ තබන්න. සතුරාගේ නම සිහිකර පොලය බිඳින්න. දඬුවම් ලැබේ.
දුර්ගා ජප මන්ත්‍රය
ඕම් මහේෂ්වරාය නම
ඕම් ඊශ්වරාය නම
ඕම් ඝණේෂාය නම
ඕම් අත්ත ප්‍රණාය නම
ඕම් අභයස්‌ ප්‍රදාය නම
ඕම් දයා කර්ථ යෛ නම
ඕම් කල්‍යානෙ යෛ නම
ඕම් උමාදේවී යෛ නම
ඕම් අජායෙ නම
ඕම් අක්‍ෂා යෛ නම
ඕම් අභයචක්‍ර පුදුයෛ නම
ඕම් ත්‍රි පුර සුන්ද යෛ නම
ඕම් මහා විද්‍යායයි නම
ඕම් රාඡේශ යෛ නම
ඕම් මහා ශක්‌ති යෛ නම
ඕම් තිරුබා යෛ නම
ඕම් කාමේශ්වරී යෛ නම
ඕම් විජයා යෛ නම
ඕම් හුවෙක්‌ත දුක්‌ක හරි යෛ නම
ඕම් භවාත යෛ නම
ඕම් සමනොතින් යෛ නම
ඕම් ත්‍රිහුනා යෛ නම
ඕම් දුර්ග්‍ය යෛ නම
ඉහත සඳහන් පරිදි මෙය කියවා අවසානයේදී කපුරු පෙති දල්වා මෙය තෙවරක්‌ කියවන්න.
ඕම් ශ්‍රී ලලිඳු මහා ත්‍රි පුර සුන්දරී පරා පට්‌ටාරි හා ශ්‍රී පාදකම් පූජයාමි නම තර්පයාං නම
ඉන්පසු තම අදහස කාරණය කියා හිතා, මෙයද තෙවරක්‌ ගායනා කර නිමා කරන්න.
ගාත් යානය විද් මහේ කන්‍යා කුමරී ධී මහී තත්නො දුර්කිප් ප්‍රවොද යාමී
මෙයින් ප්‍රතිඵල හරියටම ගන්න ගව මස්‌ කෑමෙන් වළකින්න. අධාර්මිකයන්ට පලත්තුත ධාර්මිකයන්ට ඵලක්‌ ඇතිවී සෙත සැලසේ.
