එක් තරගයක් ඉතිරිව තිබියදීම ශ්‍රී ලංකාවට එරෙහි එක්දින තරගාවලියේ ජය කොදෙව්වන්ට

සංචාරක ශ්‍රී ලංකා කණ්ඩායම සමඟ තරඟ 03කින් සමන්විත එක්දින තරඟාවලිය තවත් එක් තරඟයක් ඉතිරිව තිබියදී ජය ගන්නට බටහිර ඉන්දීය කොදෙව් කණ්ඩායම සමත් වුණා. ඒ දෙරට අතර පැවති දෙවන එක්දින තරඟය කඩුලු 05කින් ජය ගනිමින්.

කොදෙව් දේශයේ ඇන්ටිගුවාහීදී පැවති මෙම තරඟයේදී කොදෙව් ආරාධනයෙන් පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 තුල කඩුලු 08ක් දැවී රැස්කළ ලකුණු සංඛ්‍යාව 273ක්.

ගුණතිලක ලකුණු 96කට දැවී ගිය අතර ජ්‍යෙෂ්ඨත්වයේ ඉනිමක් ක්‍රියාත්මක කළ දිනේෂ් චන්දිමාල් සිය 29 වන එක්දින අර්ධ ශතකය වාර්තා කරමින් ලකුණු 71ක් ලබාගත්තා.

කොදෙව් පිතිකරුවන් ආරම්භක කඩුල්ලට ශක්තිමත් සම්බන්ධතාවක් ගොඩ නඟන්නට එවින් ලුවිස් සහ ෂායි හෝප්ස් සමත් වූ අතර කොදෙව් ලකුණු පුවරුව ලකුණු 192ක්ව තිබියදී ෂායි හෝප්ස් ලකුණු 84කට දැවී ගියා.

පන්දුවාර 49යි පන්දු 04කදී කොදෙව්වන් අදාල ඉලක්කය පසුකර ගිය අතර ලකුණු 274ක ජයග්‍රාහී ඉලක්කය කරා යාමේදී කොදෙව් කඩුලු 05ක් බිඳ වැටුණු අතර එම කඩුලු දවාගන්නට තිසර පෙරේරා, නුවන් ප්‍රදීප් සහ ලක්ෂාන් සඳකැන් සමත් විය.

පන්දු 121කට මුහුණ දෙමින් ලකුණු 103ක් රැස් කළ එවින් ලුවිස් තරඟයේ වීරයා ලෙස සම්මාන ලැබුවා.