සිරිපා වන්දනා සමය අදින් ආරම්භ වේ.
අදින් ඇරඹෙන සිරිපා වන්දනා සමය ලබන වෙසක් පුන් පෝය දක්වා ක්‍රියාත්මකයි.
මෙවර ශ‍්‍රී පාද වන්දනා සමය ආරම්භ වීමට පෙර ශ‍්‍රී පාද මළුව දක්වා සධාතුක කරඬුව, සමන් දේව ප්රතිමාව හා දේවාභරණ වැඩම කිරීම ඊයේ පැල්මඩුල්ල ගල්පොත්තාවල ශ‍්‍රී පාද රජමහා විහාරස්ථානයේ සිට සිරිපා මළුව දක්වා ගමන් ආරම්භ කළේය.
අද අලුයම සධාතුක කරඩුව, සමන් දේව ප්රතිමාව සහ දේවාභරණ සිරිපා මළුවේ තැන්පත් කෙරුණේ ආගමික වාතාවත් මධ්‍යයේදීය.
මේ අතර, පවතින කොරෝනා ව්‍යාප්තිය හේතුවෙන් මෙවර සිරිපා කරුණාව සඳහා නොපැමිණෙන්නැයි, නුවරඑළිය දිස්ත්‍රික් කොරෝනා මර්දන කමිටුව ජනතාවගෙන් ඉල්ලා සිටී.
