ඉන්දීය ක්‍රිකට් ආයතනය සංවිධාන කරන දැවැන්තම ලීග් ක්‍රිකට් තරගාවලිය වන ඉන්දියන් ප්‍රිමියර් ලීග් (අයිපීඑල්) තරගාවලි සඳහා නව කණ්ඩායම් 2ක් එක් කිරීමට අනුමැතිය හිමිව තිබේ.
ඉන්දීය ක්‍රිකට් ආයතනයේ වාර්ෂික මහ සභා රැස්වීමේදී මේ අනුමැතිය හිමිව ඇති අතර, ඒ අනුව 2022 වසරේ සිට අයිපීඑල් තරගාවලියට එක්වන කණ්ඩායම් සංඛ්‍යාව 10 දක්වා වැඩිවනු ඇත.
ලබන වසරේ තරගාවලියේදී දැනට සිටින කණ්ඩායම් 8 පමණක් ක්‍රීඩා කරන අතර, 2022දී නව කණ්ඩායම් දෙක සඳහා ලංසු කැඳවීමට තීරණය වී තිබේ.
