අමෙරිකාවේ තේරී පත්ව සිටින ජනාධිපති ජෝ බයිඩ්න් කොවිඩ් 19 වසංගතයෙන් අමෙරිකානු ජනතාව බේරා ගැනීම සඳහා දින 100 ක පොරොන්දුවක් දී තිබේ.
බයිඩ්න් පවසා ඇත්තේ, තමා ජනපති ධුරයේ රාජකාරී භාර ගැනීමෙන් පළමු දින 100 තුළ අමෙරිකානු ජනතාව වෙනුවෙන් මිලියන 100ක කොවිඩ් එන්නත් ලබා දෙන බවටයි.
බයිඩ්න් වැඩිදුරටත් පවසා ඇත්තේ, ජනපති ධුරය භාර ගත් සැනින් කොවිඩ් වසංගතය රටින් තුරන් නොහැකි වුවත් Covid-19 වෛරසය පාලනය කිරීමට පියවර ගන්නා බවයි.
ලොව ප්‍රථමවරට අමෙරිකාවේ ෆයිසර් සහ ජර්මනියේ බයෝ එන්ටෙක් සමාගම් එක්ව නිෂ්පාදනය කළ මෙම එන්නත ලබා දීම ඊයේ (08) එක්සත් රාජධානියෙන් ආරම්භ කෙරිණ.
