ලන්ඩන්හි කෙනින්ටන් ඕවල් ක්‍රීඩාංගණයේදී පැවැති එංගලන්ත ඔස්ට්‍රේලියා අවසන් අළු බදුන ටෙස්ට් ක්‍රිකට් තරගයෙන් එංගලන්තය ලකුණු 135 කින් ජය ගැනීමත් සමග ටෙස්ට් තරගාවලිය ජය පරාජයෙන් තොරව අවසන් විය.
වසර 47 කට පසු අළුබදුන ටෙස්ට් තරගාවලියක් ජය පරාජයෙන් තොරව අවසන් වූ පළමු අවස්ථාව මෙය වේ.ටෙස්ට් තරගාවලිය නිමාවූයේ දෙපිලම තරග 2 බැගින් ජය ලබා ගෙන සිටියදීයි.
ඔස්ට්‍රේලියාව වෙනුවෙන් ලකුණු 774ක් රැස් කළ ස්ටීවන් ස්මිත් තරගාවලියේ වීරයා ලෙසත් ලකුණු 441ක් සහ කඩුලු 8ක් බිද හෙලූ බෙන් ස්ටෝක්ස් එංගලන්තය වෙනුවෙන් තරගාවලියේ වීරයා සම්මානයත් දිනා ගන්නා ලදි.
