විශ්‍රාම වැටුප් සම්බන්ධ සේවා ගැනීම සදහා පැමිණිමට පෙර ඔන්ලයින් ක්‍රමය ඔස්සේ දිනයක් හා වේලාවක් වෙන්කරවාගන්නා ලෙස විශ්‍රාම වැටුප් දෙපාර්තමේන්තුව විශ්‍රාමිකයන්ට දැනුම් දී තිබේ.
විශ්‍රාම වැටුප් දෙපාර්තමේන්තුවට පැමිණිමට අපේක්ෂා කරන පිරිස් හට ඊට අදාල දිනයක් හා වේලාවක් වෙන් කරවා ගැනීම දෙපාර්තමේන්තුවේ නිළ වෙබ් අඩවියට පිවිසිමෙන් සිදු කළ හැකියි.
ප්‍රාදේශීය ලේකම් කාර්යාල හරහා විශ්‍රාම වැටුප් දෙපාර්තමේන්තුවේ සේවා පිළිබද තොරතුරු ලබා ගැනීමේ අවස්ථාවද සලසා දී තිබේ.
විශ්‍රාම වැටුප හා සම්බන්ධ සේවා ප්‍රාදේශීය ලේකම් කාර්යාල හරහා හෝ දෙපාර්තමේන්තුවේ 1970 අංකය අමතා ලබා ගැනීමට උනන්දුවන ලෙසයි විශ්‍රාම වැටුප් දෙපාර්තමේන්තුව ජ්‍යෙෂ්ඨ පුරවැසියන්ට දැනුම් දෙයි.
