මහනුවර පල්ලෙකැලේ ක්‍රීඩාංගණයේ දී නවසීලන්ත කණ්ඩායම සහ ශ්‍රී ලංකා කණ්ඩායම අතර තරග තුනකින් සමන්විත T20 ක්‍රිකට් තරගාවලිය අද (01) පස්වරු 7.00ට ආරම්භ වෙයි.
T20 ශ්‍රේණි ගත වලින් ශ්‍රී ලංකා කණ්ඩායමට හිමිව ඇත්තේ අටවන ස්ථානය ය. ශ්‍රී ලංකා කණ්ඩායම සතුව ප්‍රසාද ලකුණු 227ක් ඇති අතර හත්වන ස්ථානයේ පසුවන ඇෆ්ගනිස්ථානය සතු ප්‍රසාද ලකුණු ප්‍රමාණය 241කි.
මහනුවරට මේ වන විට කඩින් කඩ වැසි ඇද හැලෙන අතර මේ හේතුවෙන් ශ්‍රී ලංකා පිළට සිය පුුහුණුවීම්වලදී වර්ෂාවෙන් යම් යම් බාධා එල්ල විය.
ඊයේ (31) දහවල් කාලයේදී ද තරමක් දැඩි වර්ෂාවක් පල්ලකැලේ ප්‍රදේශයට ඇද හැලුණි.
අද ආරම්භ වන පන්දුවාර විස්ස තරඟයේ ශ්‍රී ලංකා කණ්ඩායමේ නායකත්වය ලසිත් මාලිංග උසුලන අතර නිරෝෂන් දික්වැල්ල, අවිශ්ක ප්‍රනාන්දු, කුසල් ජනිත් පෙරේරා, ධනුෂ්ක ගුණතිලක, කුසල් මෙන්ඩිස්, ජෙෂහාන් ජයසූරිය, දසුන් චානක, චනිදු හසරංග, අකිල ධනංජය, ලක්ෂාන් සඳකැන්, ඉසුරු උදාන, කසුන් රාජිත, ළහිරු කුමාර සහ ළහිරු මධුෂංක යන ක්‍රිඩකයන් එහි තරඟ වදිති.
ශ්‍රී ලංකා කණ්ඩායම 2018 අගෝස්තු මාසයෙන් පසු T20 ක්‍රිකට් තරගයක් ජයග්‍රහණය කර නොමැතිවීමද වීශේෂත්වයක්.
