ළමුන්ගේ ජිවිත වැඩිහිටියන් සිතන තරම් සුන්දර නොමැති බව අනුරාධපුර දිස්ත්‍රික් ලේකම් රංජිත් විමලසූරිය මහතා පවසනවා.
අධ්‍යාපනය කඩාකප්පල් වීම, මත්ද්‍රව්‍යවලට ඇබ්බැහි වීම සහ විවිධ අපචාරයන්ට යොමු වීම ආදිය නිවැරදි කිරිමට දරන ප්‍රයත්නයට වඩා ප්‍රබලව ඒවා නැගි සිටින බවයි ඒ මහතා අවධාරණය කළේ.
අනුරාධපුරයේ පැවති ළමා ආරක්ෂණ ජාතික ප්‍රතිපත්තිය පිළිබඳව පොලිස් නිලධාරින් දැනුවත් කිරිමේ වැඩ සටහනකදී අදහස් දක්වමින් ඒ මහතා මේ බව කියා සිටියා.
එවැනි ක්‍රියාවන් දවසින් දවස ඉහළ යනවානම් සියළු දෙනා දරන මහන්සියේ කොහේ හෝ අඩුපාඩුවක් ඇති බව රංජිත් විමලසූරිය මහතා පෙන්වා දුන්නා.
මේ එහිදී වැඩිදුරටත් අදහස් දැක්වූ අනුරාධපුර දිස්ත්‍රික් ලේකම් රංජිත් විමලසූරිය මහතා,
“ඔබතුමන්ලා ඔබතුමියන්ලා නිළ ඇඳුමට සීමාවෙලා නැහැ.. ඒ නිසාම මෙි සේවය පිළිබඳ මහජනතාවට විශ්වාසයක් තියෙනවා.. ඔවුනට සාධාරණය ඉටුවිය යුතුයි.. දරුවන් රැකගැනිම වෙනුවෙන් දෙමාපියන් දැනුවත් කිරිමට සිදු වීම ඇත්තෙන්ම ශෝචනීයයි.. එහෙත් දරුවන්ව සහ දෙමාපියන්ව දැනුවත් කළ හැකි පිරිස ඔබයි. නිතරම තැනක් වේලාවක් නොබලා එකි වගකිම ඉටුකරමු.. එය අපි සැමගේ සමාජ වගකීමක්.. අපි කාටත් යම් අසාධාරණයක් සිදුවු විට මතක් වන නිල මට්ටමේ පළමු ආයතනය වන්නේ පොලීසියයි.. විශේෂයෙන් දරුවන් සඳහා වන ළමා ආරක්ෂණය පිළිබඳ ජාතික ප්‍රතිපත්තිය පිළිබඳ පොලීසිය මනා අවබෝධයෙන් සිටිම අතවශ්‍ය වෙයි.. මේ සඳහා ප්‍රායෝගික වැඩ පිළිවෙලක් අවශ්‍යයි.. මෙම වැඩපිළිවෙල ඔස්සේ ප්‍රතිවිරෝධීව නැගෙන බලවේගවලට අභියෝග කළ හැකි වෙනවා..”
මෙම වැඩසටහන සඳහා අනුරාධපුර හා කැබිතිගොල්ලෑව පොලිස් කොට්ඨාසයන් හී ළමා හා කාන්තා කාර්යංශ ස්ථානාධිපතිවරුන් හා නිළධාරින් 45 දෙනෙකු පමණ මෙම වැඩසටහන සඳහා සහභාගී වී තිබුණා.
දැනට සකස්කර ඇති ළමා රක්ෂණය පිළිබඳව ඇති ජාතික ප්‍රතිපත්තිය ශ්‍රී ලංකාව තුළ ක්‍රියාත්මක කිරිමේ දී සෞඛ්‍ය, අධ්‍යාපන, නීති, අපදා කළමණාකරණය, විදේශ කටයුතු, ළමා හා සමාජසේවා ආදි වශයෙන් අංශ 10 ක් යටතේ වැඩසටහන් ක්‍රියාත්මක කෙරෙනු ඇති.
