මෙරට දී ප්‍රථම වතාවට සංවිධානය වන ”Sri Lankan Dog Festival 2024” එලඹෙන සති අන්තයේ දී (ජූලි 13 සහ 14) පැවැත්වීමට මේ වන විට සියල්ල සූදානම්.
ඒ අනුව විහාරමහාදේවි උද්‍යාන පරිශ්‍රයට සුරතලාවත් අරන් එන ඔබට මින් පෙර අත්නොවිඳි ජාත්‍යන්තර අත්දැකීමක් විඳගැනීමට ලැබෙනු ඇති.
දකුණු ආසියාවේ විශාලතම Dog Festival එක ලෙස සංවිධානය වන මෙය උදෑසන 09ට ආරම්භ කෙරෙන අතර, ඔබේ රසවින්ඳනය උදෙසා සංවිධානයව ඇති වැඩසටහන් රැසකින් සමන්විතය.
ඒ අනුව එහි පැමිණෙන ඔබට ඔබේ සුරතල් සතුන් සඳහා පශු වෛද්‍ය සත්කාර ද ලබාගත හැකිවීම විශේෂය.
