ඇෆ්ගනිස්තානයට එරෙහිව විස්සයි විස්ස තරගාවලියේ ජයත් ශ්‍රී ලංකාවට

ශ්‍රී ලංකාවේ තරග සංචාරයේදී තවත් අමිහිරි මතකයක් අද ඇෆ්ගනිස්තාන කණ්ඩායමට හිමිවිය.

තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම කඩුලු 6ක් දැවී ලකුණු 187ක් රැස්කරගත්තේය.

ඉලක්කය හඹාගිය ඇෆ්ගනිස්තාන කණ්ඩායම පන්දුවාර 17ක් අවසානයේ සියලුදෙනා දැවී රැස්කරගත්තේ ලකුණු 115ක් පමණි.

ඒ අනුව දෙවන විස්සයි විස්ස තරගය ජයගැනීමත් සමග විස්සයි විස්ස තරගාවලියේ ජයත් ශ්‍රී ලංකාව කල්තියාම තමන් සතුකරගැනීමට ශ්‍රී ලංකාව සමත්වීමත් සමගය.

ඒ අනුව අද තරගයෙන් ලකුණු 72ක ජයක් ශ්‍රී ලංකා කණ්ඩායම හිමිකරගත්තේය.

එහිදී ශ්‍රී ලංකාව වෙනුවෙන් අගනා පන්දු යැවීමක නිරතවූ ඇන්ජලෝ මැතිව්ස් ලකුණු 9කට කඩුලු 2ක් දවාගැනීමට සමත්විය.

බිනුර ප්‍රනාන්දු, වනිඳු හසරංග සහ මතීෂ පතිරණ කඩුලු 2 බැගින් දවාගත්තේය.

මෙහිදී විස්සයි වනිඳු හසරංග විස්ස තරග 63කට ක්‍රීඩා කරමින් තමන්ගේ 100 වන කඩුල්ල දවාගැනීම විශේෂත්වයකි.

මහීෂ් තීක්ෂණ සහ දසුන් ශානක එක් කඩුල්ල බැගින් දවාගැනීමට සමත්විය.

ඇෆ්ගනිස්තාන කණ්ඩායමේ ශ්‍රී ලංකා සංචාරය ආරම්භ කරමින් පැවති ටෙස්ට් තරගයේ ජයත්, එක්දින තරගාවලියේ ජයත් ශ්‍රී ලංකාව හිමිකරගැනීම විශේෂත්වයකි.