ගෙවුණු දින කිහිපය පුරා චීනය තුළ හඳුනානොගත් නව නිව්මෝනියා රෝගී තත්ත්වයක් ව්‍යාප්ත වෙමින් පවතින බවට විදෙස් මාධ්‍ය වාර්තා කර තිබේ.
ඒ අනුව එරට බීජිං, ලියෝනින් ඇතුළු තවත් නගර රැසක ළමා රෝහල් මෙම රෝගයෙන් පෙළෙන ළමයින්ගෙන් පිරීගොස් ඇති බව සඳහන්.
උතුරු චීනයේ ව්‍යාප්ත වෙමින් පවතින රෝගී තත්ත්වය පිළිබඳ සියලු තොරතුරු තමන් වෙත ලබාදෙන්නැයි ලෝක සෞඛ්‍ය සංවිධානය චීනයට දැනුම් දී තිබෙන අතර විදෙස් මාධ්‍ය වාර්තා කරන්නේ එරට ළමයින් අතර මෙම රෝගී තත්ත්වය සුලබව වාර්තාවෙමින් පවතින බවයි.
මේ සම්බන්ධයෙන් තායිවාන මාධ්‍ය සඳහන් කර ඇත්තේ උතුරු චීන ළමයින් අතර මෙම නිව්මෝනියා රෝග වසංගත තත්ත්වය ව්‍යාප්ත වෙමින් පවතින බවත් , චීන බලධාරීන් එය වසන් කරමින් සිටින බවත්ය.
