ඔස්ට්‍රේලියානු කණ්ඩායමේ ඉන්දීය තරග සංචාරයේ තරග 5 කින් යුත් 20යි 20 තරගාවලිය අදින්(23) ආරම්භ වෙයි.
පළමු තරගය අද රාත්‍රී 7ට විසාකාපට්නම් හී දී ආරම්භ වීමට නියමිතයි.
ඉන්දීය කණ්ඩායම සූර්යකුමාර් යාදව් විසින් ද, ඔස්ට්‍රේලියානු කණ්ඩායම මැතිව් වේඩ් විසින් ද මෙහෙයවනු ලබයි.
රුටුරාජ් ගයික්වඩ් ඉන්දීය කණ්ඩායමේ උප නායකයා ලෙස පත් කර ඇතත්, අවසන් 20යි 20 තරග දෙකේ දී ෂ්රෙයස් අයියර් උප නායකයා ලෙස සංචිතය සමග එක්වීමට නියමිත බවයි එරට ක්‍රිකට් පාලක මණ්ඩලය නිවේදනය කළේ.
ඩේවිඩ් වෝනර්, පැට් කමින්ස්, ජොෂ් හේසල්වුඩ්, මිචෙල් ස්ටක්, කැමරන් ග්‍රීන් හා මිචෙල් මාෂ් වැනි ඔස්ට්‍රේලියානු ක්‍රීඩකයින් මෙම තරගාවලියට එක් වන්නේ නැහැ.
මෙම 20යි 20 තරගාවලිය ඉන්දියාව තුළ විකාශය වන්නේ Sports18 හා Colors Cineplex නාලික ඔස්සේයි. ඩිජිටල් විකාශනය Jio Cinema ඔස්සේ සිදුවෙයි.
මෙරට Dialog TV පාරිභෝගිකයින්ට නාලිකා අංක 126 ඔස්සේ තරගාවලිය සජීවීව නැරඹිය හැකියි. එමෙන්ම ViU යෙදුම (App) ඔස්සේ ද තරගාවලිය නැරඹීමේ අවස්ථාව පවතියි.
PEOTV ඔස්සේ මෙම තරගාවලිය විකාශය වන්නේ ද යන්න මෙතෙක් නිවේදනය කර නැහැ.
