ඉන්දියාවේදී පැවැත්වීමට නියමිත එක්දින ලෝක කුසලාන ක්‍රිකට් තරගාවලියේ ප්‍රචාරණ කටයුතු නිල වශයෙන් ආරම්භ කෙරුණි.
තරගාවලියට අදාළ පූර්ව ප්‍රචාරණ පටයක් එලිදක්වමින් එම කටයුතු ආරම්භ කෙරිණි.ලෝක කුසලානයේ නිළ වීඩියෝව සඳහා ශ්‍රී ලංකා සුපිරි දඟ පන්දු යවන ක්‍රීඩක මුත්තයියා මුරලිදරන් හා සුපිරි බොලිවුඩ් නළු ශාරුක් ඛාන්ද රංගනයෙන් එක්ව සිටීම විශේෂත්වයක්.
මීට අමතරව හිටපු සුපිරි ක්‍රීඩකයින් වන ජොන්ටි රෝඩ්ස්, ඉයන් මොර්ගන්, ජේ.පී.ඩුමිනි සහ දිනේෂ් කාර්තික් ද වීඩියෝවේ රංගනයෙන් දායක වෙයි. 2023 ලෝක කුසලාන ක්‍රිකට් තරඟාවලිය ලබන ඔක්තෝම්බර් 05 වනදා ඉන්දියාවේදී ආරම්භ වීමට නියමිතයි.
මේ අතර ශ්‍රී ලංකාවේදී පැවැත්වෙන ආසියානු නැගී එන කණ්ඩායම් අතර තරඟාවලියේ අවසන් පූර්ව තරඟ අද ආරම්භ වෙයි. පළමු තරඟය ශ්‍රී ලංකාව සහ පාකිස්තානය අතර පැවැත්වෙන අතර ඉන්දියාව සහ බංග්ලාදේශය අතර දෙවන තරඟය අද පස්වරුවේ පැවැත්වෙයි. මෙම තරඟ දෙකම නොමිලේ නැරඹීමට ශ්‍රී ලංකා ක්‍රිකට් ආයතනය අවස්ථාව සලසාදී තිබේ.
2023 ලෝක කුසලාන තරගාවලිය වෙනුවෙන් නිර්මාණය වූ එම වීඩියෝව පහතින්.
2023 ලෝක කුසලාන ක්‍රිකට් තරඟාවලිය
