50 වන ලෝක පරිසර දිනය අදට(05) යෙදී තිබේ.මෙවර එහි තේමාව වී ඇත්තේ, ප්ලාස්ටික් දූෂණය පිටුදකිමු යන්නයි.
එක්සත් ජාතීන්ගේ සංවිධානයට අනුව, ජුනි 5 එය 1974 දී ආරම්භ කරන ලද දින සිට පාරිසරික ක්‍රියාකාරකම් සඳහා වඩාත් කැපී පෙනෙන දිනය විය.
ලෝක පරිසර දිනයට සමගාමීව අද දිනයේ වැඩසටහන් රැසක් සංවිධානය කර ඇති බව මධ්‍යම පරිසර අධිකාරිය සඳහන් කළේ ය.
එහි සභාපති සුපුන් එස් පතිරණ මහතා පැවසුවේ , මෙරට තුළ දෛනිකව ප්ලාස්ටික් මෙට්‍රික් ටොන් 900 ත් 950 ත් අතර ප්‍රමාණයක් පරිසරයට බැහැර කෙරෙන බවයි.
මෙරට ප්ලාස්ටික් හා පොලිතීන් ආනයනය කරන සියලු ආයතන හා පුද්ගලයින් අද සිට ලියාපදිංචිය කිරීම ආරම්භ කරන බව ඔහු සඳහන් කළේ ය.
මානව පරිසරය පිළිබඳ ස්ටොක්හෝම් සමුළුව ආරම්භ කිරීම නිමිත්තෙන් 1972 දී එක්සත් ජාතීන්ගේ මහා මණ්ඩලය විසින් ලෝක පරිසර දිනය ස්ථාපිත කරන ලදී. එදිනම මහා මණ්ඩලය විසින් සම්මත කරන ලද තවත් යෝජනාවක් UNEP නිර්මාණය කිරීමට හේතු විය. එය සෑම වසරකම ලෝකයේ විවිධ නගර විසින් සත්කාරකත්වය සපයනු ලබන අතර ජුනි 5 වන සතිය පුරා ජාත්‍යන්තර ප්‍රදර්ශනයකින් සමරනු ලැබේ.
