සංචාරක ඇෆ්ගනිස්තාන කණ්ඩායම සහ ශ්‍රී ලංකා කණ්ඩායම අතර පැවැත් වීමට නියමිත එක්දින ක්‍රිකට් තරගාවලිය සඳහා ක්‍රීඩකයින් 16 දෙනෙකුගෙන් යුත් ශ්‍රී ලංකා සංචිතය නම් කර තිබේ.
ශ්‍රී ලංකා – ඇෆ්ගනිස්තාන එක්දින තරගාවලිය තරග තුනකින් සමන්විත වන අතර දෙරට අතර පළමු ජාත්‍යන්තර එක්දින තරගය ජුනි දෙවැනිදා පැවැත්වෙයි.
දෙවැනි තරගය ජුනි 04 වනදා ද තෙවැනි සහ අවසාන තරගය ජූනි 07 වනදා ද පැවැත්වීමට නියමිතය.
එම තරග තුනම හම්බන්තොට දී පැවැත්වෙයි.
ලෝක කුසලාන තරගාවලිය සඳහා සුදුසුකම් ලැබීමේ තරගාවලියට සහභාගී වීමට පෙර පවත්වනු ලබන අවසාන එක්දින ක්‍රිකට් තරගාවලිය මෙය වේ.
ඒ අනුව තරගාවලිය සඳහා නම් කළ ශ්‍රී ලංකා සංචිතය,
දසුන් ශානක (නායක)
කුසල් මෙන්ඩිස් (උප නායක)
පැතුම් නිස්සංක
දිමුත් කරුණාරත්න
සදීර සමරවික්‍රම
ඇන්ජලෝ මැතිව්ස්
ධනංජය ද සිල්වා
චරිත් අසලංක
වනිඳු හසරංග
මහීෂ් තීක්ශණ
දුශාන් හේමන්ත
චාමික කරුණාරත්න
දුශ්මන්ත චමීර
මතීෂ පතිරණ
ලහිරු කුමාර
කසුන් රාජිත
