ටෙස්ට් ක්‍රිකට් තරග දෙකකට සහභාගිවීම සඳහා අයර්ලන්ත කණ්ඩායම ඊයේ (09) පස්වරුවේ දිවයිනට පැමිණි බව ශ්‍රී ලංකා ක්‍රිකට් ආයතනය නිවේදනය කරයි.
පළමු ටෙස්ට් තරගය අප්‍රේල් මස 16 වනදාත්, දෙවන ටෙස්ට් තරගය අප්‍රේල් 24 වනදාත් ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතව තිබේ.
මේ සඳහා 15 දෙනෙකුගෙන් යුත් ශ්‍රී ලංකා සංචිතයක් නම් කර ඇති අතර කඩුලු රකින ක්‍රීඩක සදීර සමරවික්‍රම සහ දඟපන්දු යවන ක්‍රීඩක දුෂාන් හේමන්තද සංචිතයට කැඳවා තිබේ.
අයර්ලන්ත ටෙස්ට් තරගාවලියේදී කසුන් රාජිත සහ ළහිරු කුමාර විවේක ගන්වා ඇති අතර, ඒ වෙනුවට සංචිතයට අසිත ප්‍රනාන්දු, විශ්ව ප්‍රනාන්දු සහ මිලාන් රත්නායක කැඳවා තිබේ.
