අද (07) දින සිට අලුත් අවුරුදු සමය වෙනුවෙන් විශේෂ බස් රථ සේවාවක් ආරම්භ කරන බවත් එළඹෙන 18 වනදා දක්වා එම සේවාව ක්‍රියාත්මක බවද ශ්‍රී ලංකා ගමනාගමන මණ්ඩලය සදහන් කරයි.
අද දිනයේ කොළඹ මධ්‍යම බස් නැවතුම්පොල ඇතුළු තෝරාගත් ප්‍රධාන නගරවල සිට මෙම බස් සේවා ක්‍රියාත්මක බව ශ්‍රී ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරි ඒ.එච් පණ්ඩුක ස්වරණහංස සදහන් කරයි.
දිවයින පුරා පිහිටි සෑම ගමනාත්තයකටම බස් රථ යොදවන බවත් 07, 08, 09 යන දවස්වලදී බස් රථ 150 ක් අතිරේකව යෙදවීමටත් , 11,12 හා 13 යන දිනවලදී බස් රථ 250 ක් 300 ක් යෙදවීමට බලාපොරොත්තු වන බවද ඔහු සදහන් කරයි.
අලුත් අවුරුද්ද වෙනුවෙන් විශේෂ දුම්රිය සේවා පසුගිය 4 වනදා සිටම ආරම්භ කර ඇති බව දුම්රිය නියෝජ්‍ය සාමාන්‍යාධිකාරී එන් ජේ ඉඳිපොළ මහතා පවසයි.
එම දුම්රිය සේවා ලබන 17 වනදා දක්වා ක්‍රියාත්මකයි.
ඒ අනුව ගම්බිම් බලා ගිය ජනතාවට යළි කොළඹ බලා පැමිණීමටද අවස්ථාව උදා කර දී තිබේ.
