පසුගිය දින කිහිපය තුළදී වන්දනා ගමන්වල නිරත වූ බැතිමතුන් සිව්දෙනෙකු ජීවිතක්ෂයට පත්ව 10 දෙනෙක් දැනට රෝගී වී ඇති බවට වාර්තා වී ඇත.
ඒ අනුව මරණයට හේතුව මෙතෙක් නිෂ්චිතව තහවුරුවී නොමැති වුවත් රෝග ලක්ෂණ අනුව ආහාර විෂවීමක් හෝ බැක්ටීරියා ආසාදනයක් විය හැකි බවට සැක කරයි.
මේ සඳහා මේ දිනවල එරත්න , නල්ලතන්නිය , නුවරඑළිය මහජන සෞඛ්‍ය පරීක්ශකවරුන් විසින් වසංගත රෝග ආවේක්ශණ කටයුතු සිදු කරන අතර , ජල සාම්පල් ලබා ගැනීම , ආහාර සාම්පල් ලබා ගැනීම හා නැවතත් වෙළඳසල් පරීක්ශා කිරීම සිදු කරයි.
ශ්‍රී පාද වන්දනාවේ සහ අනෙකුත් වන්දනා ගමන්වලට නිරතවන සියලුම බැතිමතුන් හැකිතාක් පානීය ජලය උණුකර නිවාගෙන තම නිවසින් රැගෙන යන ලෙසත් සෞඛ්‍ය ආරක්ෂිතව ගබඩා කර ඇති ආහාර පමණක් ලබා ගැනිමට සැලකිලිමත් වන්න.
මේ සම්බන්ධයෙන් කලබල වියයුතු නොමැති අතර යම් අවධානමක් ඇත්නම් සෞඛ්‍ය අංශ විසින් මහජනතාව නිසි පරිදි දැනුවත් කිරීමට ක්‍රියාමාර්ග ගනු ලැබේ.
