රුසියාවේ නිෂ්පාදිත මිසයිලයක් පෝලන්තයට එල්ල වීමෙන් පුද්ගලයන් දෙදෙනෙකු මිය ගිය බව පෝලන්ත මාධ්‍ය වාර්තා කළේය. මිසයිලය දියත් කළ ස්ථානය සහ පෝලන්තයට මිසයිලය එල්ල වූ හේතුව තවමත් පැහැදිලි නැතැයි පෝලන්ත මාධ්‍ය පෙන්වා දුන්නේය.
මිසයිල ප්‍රහාරය සමග රුසියානු – යුක්රේන යුද්ධය නේටෝ සංවිධානයේ රටවලටද පැතිර යාමේ බියක් හට ගෙන ඇතැයි පෝලන්ත මාධ්‍ය සඳහන් කළේය.
යුක්රේනයට මාසයක කාලයකදී එල්ල කළ දරුණුතම මිසයිල ප්‍රහාරය එල්ල කරන අවස්ථාවේ මෙම මිසයිලය පෝලන්තයේ ගම්මානයකට එල්ල වූ බවට යුක්රේන ජනාධිපති ව්ලැදිමීර් සෙලෙන්ස්කි රුසියාවට චෝදනා කරන බව පෝලන්ත මාධ්‍ය පැවසුවේය.
