ලෝක ජනගහනය බිලියන 08 ඉක්මවූ බව එක්සත් ජාතීන්ගේ සංවිධානය පවසයි.
ඒ පිලිපීනයේ මැනිලා නුවර බිළිඳියක් බිලියන අටවැන්නා ලෙස උපත ලැබීමත් සමගය.
ඔවුන් පවසන්නේ ලෝක ජනගහනය බිලියන 07 සිට 08 දක්වා ළඟාවීමට වසර 11ක් ගතවී තිබුණි.
20 වැනි ශත වර්ෂයේ දෙවැනි භාගයේදී ජනගහන වර්ධනය වේගවත් වූ බවත් අනතුරුව එය මන්දගාමී වූ බවත් එක්සත් ජාතීන්ගේ සංවිධානය පැවසීය.
ඔවුන් තවදුරටත් පවසන්නේ ලෝක ජනගහනය බිලියන 09 ඉක්මවීමට තවත් වසර 15ක් ගතවන බවත් බිලියන 10 වීමට 2080 පමණ විය හැකි බවය.
