ඔස්ට්‍රේලියා – අයර්ලන්ත තීරණාත්මක තරගය අද

2022 පන්දුවාර 20යි 20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ ඔස්ට්‍රේලියාව සහ අයර්ලන්තය අතර තීරණාත්මක තරගය අද (31)පැවැත්වෙයි.

බ්‍රිස්බන්හීදි පැවැත්වෙන තරගය මෙරට වෙලාවෙන් පස්වරු 1.30ට ආරම්භ වීමට නියමිතය.

මෙය පළමු කාණ්ඩයේ තරගයක් බැවින් මෙම තරගයේ තීරණය ශ්‍රී ලංකා කණ්ඩායමටද වැදගත් වේ.

මෙම තරගයෙන් අයර්ලන්තය ජය ගතහොත් එය ශ්‍රී ලංකා කණ්ඩායමට වාසිසහගත වනු ඇති.

පන්දුවාර 20යි 20 ලෝක කුසලාන ක්‍රිකට් තරගාවලියේ ඉන්දීය කණ්ඩායමට එරෙහි තරගයෙන් දකුණු අප්‍රිකාවට කඩුලු 5ක විශිෂ්ට ජයක් හිමිවිය.

පන්දුවාර 20 අවසානයේදී ඉන්දීය කණ්ඩායම කඩුලු 9කට ලකුණු 133ක් රැස් කළේ ය.

දකුණු අප්‍රිකාව තරගය ජය ගත්තේ, පන්දුවාර 19යි පන්දු 4කදී කඩුලු 5ක් දැවී සිටියදී ය.