අබුඩාබි ටී ටෙන් ලීග් ක්‍රිකට් තරගාවලිය සඳහා ශ්‍රී ලාංකික ක්‍රීඩකයින් 7 දෙනෙකු තෝරාගෙන තිබේ.
ශ්‍රී ලංකා සීමිත පන්දුවාර කණ්ඩායම් නායක දසුන් ශානක චෙන්නායි බ්‍රේව්ස් කණ්ඩායමේ ප්‍රධාන ක්‍රීඩකයා ලෙස තෝරා ගැනුණු අතර භානුක රාජපක්ෂ සහ මහීෂ් තීක්ෂණද චෙන්නායි කණ්ඩායමට ක්‍රීඩා කරනු ඇති.
නොදර්න් වොරියර්ස් කණ්ඩායම සිය ප්‍රධාන ක්‍රීඩකයා ලෙස ශ්‍රී ලංකා දඟපන්දු යවන ක්‍රීඩක වනිඳු හසරංගවත් අනෙක් ශ්‍රී ලාංකික ක්‍රීඩකයා ලෙස දුෂ්මන්ත චමීර වත් තෝරාගෙන ඇත.
ශ්‍රී ලංකා යොවුන් වේගපන්දු යවන ක්‍රීඩක මතීෂ පතිරණ බංග්ලා ටයිගර්ස් කණ්ඩායම වෙනුවෙන් ක්‍රීඩා කිරීම සඳහා තෝරාගැනුණි.
තුන්ඉරියව් ක්‍රීඩක චාමික කරුණාරත්න තරගාවලියට අලුතින් එක්වූ කණ්ඩායමක් වන මොරිස්විල් සෑම්ප් ආර්මි කණ්ඩායම වෙනුවෙන් ක්‍රීඩා කිරීම සඳහාය.
අබුඩාබි ටී ටෙන් ලීග් ක්‍රිකට් තරගාවලියේ නොවැම්බර් මස 23 වැනිදා සිට දෙසැම්බර් 4 වැනිදා දක්වා පැවැත්වීමට නියමිතය.
sri lanka news hiru gossip news
