උද්ධමනය තව ඉහළට

කොළඹ පාරිභෝගික මිල දර්ශකයට අනුව උද්ධමනය අගෝස්තු මාසයේ සියයට 70.2 ක් දක්වා ඉහළ ගොස් ඇතැයි ජන හා සංඛ්‍යා ලේඛන දෙපාර්තමේන්තුව ප්‍රකාශ කළේය.එය ජූලි මාසයේදී සියයට 66.7 ක් ලෙස සටහන් විය.

කොළඹ පාරිභෝගික මිල දර්ශකයට අනුව ජූලි මස සියයට 82.5 ක් වූ ආහාර කාණ්ඩයේ උද්ධමනය අගෝස්තු මස සියයට 84.6 ක් දක්වා ඉහළ ගොස් ඇති බව ජන හා සංඛ්‍යා ලේඛන දෙපාර්තමේන්තුවේ නවතම දත්ත වාර්තා පෙන්වා දුන්නේය.එසේම ජූලි මස සියයට 52.4 ක් වූ ආහාර නොවන කාණ්ඩයේ උද්ධමනය අගෝස්තු මස සියයට 57.1 දක්වා ඉහළ ගොස් ඇති බව එම වාර්තාවේ දැක්වේ.