ලොව ඉහළම ආහාර මිල උද්ධමනය සහිත රටවල් අතර සිව්වන ස්ථානයට ශ්‍රී ලංකාවට

ලොව ඉහළම ආහාර මිල උද්ධමනය සහිත රටවල් අතර සිව්වන ස්ථානයට ශ්‍රී ලංකාව පැමිණ ඇති බව ලෝක බැංකුව අනාවරණය කරයි.

පසුගිය සැප්තැම්බර් 15 වැනිදා නිකුත් කළ, රටවල් 53ක ආහාර සුරක්ෂිතතාව පිළිබඳ ලෝක බැංකුවේ නවතම වාර්තාවේ මේ බව සඳහන් වේ.

මෙලෙස ශ්‍රී ලංකාව ඉහළම ආහාර උද්ධමනය ඇති රටවල් අතර සිව්වන ස්ථානයට පත්ව ඇත්තේ 91% උද්ධමන අගයක් වාර්තා කරමිනි.

ලෝක බැංකුව පෙන්වාදෙන ආකාරයට 2021 සැප්තැම්බර් මාසයේදී 9.9% ක් වූ ශ්‍රී ලංකාවේ ආහාර උද්ධමනය, 2022 අප්‍රේල් මාසයේ 45.1%ක් වශයෙන්ද, 2022 ජූලි මාසයේ 90.9%ක් දක්වාද මාස හතරක කාලසීමාවක් ඇතුළත විශාල ලෙස ඉහළගොස් තිබේ.