ළමා මන්දපෝෂණය අතින් ශ්‍රී ලංකාව ගෝලීය වශයෙන් 6 වෙනි ස්ථානය දිනා සිටින බවත් දකුණු ආසියාවේ දරුණු මන්ද පෝෂණ තත්ත්වයට මුහුණ දී සිටින රටවල් අතර 2 වැනි ස්ථානය දිනාගෙන සිටින බවත් යුනිසෙෆ් සංවිධානය ප්‍රකාශ කළේය.
රට තුළ පවතින ආර්ථික අර්බුදය හේතුවෙන් ජීවන වියදම ඉහළ යෑම නිසා ශ්‍රී ලාංකිකයන්ගේ ආහාර වේලට දරුණු ලෙස බලපෑම් එල්ල වී ඇතැයි යුනිසෙෆ් සංවිධානය පෙන්වා දුන්නේය.
ශ්‍රී ලංකාවේ ඇති වී තිබෙන ආර්ථික අර්බුදය හේතුවෙන් වැඩිම බලපෑම එල්ල වී ඇත්තේ දැඩි අවදානමට ලක් වූ සහ දුප්පත් පවුල් වල දරු දැරියන්ට බව යුනිසෙෆ් සංවිධානය පැවසුවේය.
වත්මන් අර්බුදය නිසා දරුවන්ගේ අධ්‍යාපන කටයුතු නොයෙක් ආකාරයෙන් අඩාල වී ඇති බව යුනිසෙෆ් සංවිධානය පෙන්වා දුන්නේය.
