මධ්‍යම කදුකරයේ ඝන මිදුම් තත්ත්වයක් , රිය ධාවනයේදි සැලකිලිමත් ලෙස රිය ධාවනය කරන ලෙස පොලිසියෙන් ඉල්ලිමක්.
මධ්‍යම කදුකරයේ බටහිර බැවුම් ප්‍රදේශවල පවතින අයහපත් කාලගුණයත් සමග ප්‍රධාන මාර්ග කිහිපයකම ඝන මිදුම් තත්ත්වයක් පවතින බව හැටන් පොලිසිය පැවසිය.
හැටන් කොළඹ ප්‍රධාන මාර්ගයේ හැටන් සිට කිතුල්ගල දක්වාත්, හැටන් නුවරඑලිය ප්‍රධාන මාර්ගයෙත් මෙම ඝන මිදුම් තත්ත්වය පවතින බවයි හැටන් පොලිසියේ රථ වාහන අංශයේ නිලධාරින් කියා සිටින්නේ.
ඉදිරියට ධාවනය වන වාහන දිස් නොවන ආකාරයට මෙම මිදුම් තත්ත්වය පවතින බවත්, එම මාර්ග වල රථ වාහන ධාවනය කිරිමේදි වාහන වල ඉදිරිපස ප්‍රධාන ලාම්පුව දල්වාගෙන සැලකිලිමත් ලෙස රිය ධාවනය කරන ලෙස හැටන් පොලිසිය රියදුරන්ගෙන් ඉල්ලා සිටියි.
රංජිත්
