ගාලුමෝදර විරෝධතා කරුවන් පිරිසක් විසින් නව දේශපාලන පක්ෂයක් ලියාපදිංචි කිරීමට සිදු කරන ලද ඉල්ලීම මැතිවරණ කොමිෂන් සභාව විසින් ප්‍රතික්ෂේප කර තිබේ.
කොමිෂන් සභාව දැනුම්දී ඇත්තේ එසේ පිහිටුවාගෙන ඇති පක්ෂය මැතිවරණ පනතෙන් බැහැරව ලියාපදිංචි කිරීමට නොහැකි බවයි.
ඊයේ දහවල් පිරිසක් විසින් නව පක්ෂය ලියාපදිංචි කිරීම සඳහා කොමිෂන් සභාවට අදාළ ලිපි භාර දී තිබේ.
එහිදී මැතිවරණ කොමිෂන් සභා පෙන්වා දී ඇත්තේ නව පක්ෂ ලියාපදිංචි කිරීම සඳහා වන කාලය මේ වන විට අවසන් වී ඇති බවයි.
