රංගන ශිල්පී ජැක්සන් ඇන්තනී මහතා ගමන්ගත් කැබ් රථයක් අනුරාධපුර – තලාව ප්‍රදේශයේදී වන අලියෙකු හා ගැටීමෙන් ජැක්සන් ඇන්තනී සහ තවත් දෙදෙනෙක් තුවාල ලබා අනුරාධපුර රෝහලට ඇතුළත් කර ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.
චිත්‍රපට රූගත කිරීමක් අවසන් කර යළි පැමිණෙමින් සිටියදී අනුරාධපුර – පාදෙණිය මාර්ගයේ තලාව ප්‍රදේශයේදී ඔහු ගමන් ගත් කැබ්රථය වන අලියෙකුගේ ගැටීමෙන් මෙම අනතුර සිදුව ඇති බවයි පොලීසිය පැවසුවේ.
අනතුර සිදුවන අවස්ථාවේදී ජැක්සන් ඇන්තනී සමග ගමන් කරමින් සිටි තවත් දෙදෙනෙකු ද තුවාල ලබා රෝහල් ගත කර ඇති බව ද පොලීසිය සඳහන් කළා. එලෙස තුවාල ලැබූවන් අතර ජැක්සන් ඇන්තනීගේ සොහොයුරෙකු ද වන බවයි පොලීසිය වැඩිදුරටත් පැවසුවේ.
