සංචාරක ඔස්ට්‍රේලියා පිලට එරෙහිව අද (16) පල්ලේකැලේ ක්‍රීඩාංගණයේ පැවැත්වෙන දිවාරාත්‍රී දෙවැනි එක්දින තරගය ජය ගැනීමට ශ්‍රී ලංකා පිලට හොඳ අවස්ථාවක් ඇතැයි කුසල් මෙන්ඩිස් ප්‍රකාශ කළේය. අද තරගයේ ජයග්‍රහණය කොළඹ පැවැත්වෙන ඉතිරි තරග 3දී ප්‍රතිවාදීන්ට දැඩි සටනක් එල්ල කිරීමට සාධකයක් වනු ඇතැයි ද ඔහු කීවේය.
දෙපිල අතර පෙරේදා පැවැති පළමු එක්දින තරගයෙන් ඔස්ට්‍රේලියාව කඩුලු 2ක ජයක් වාර්තා කිරීමෙන් පසු මාධ්‍ය හමුවට එක්වූ කුසල් මෙන්ඩිස් කියා සිටියේ වර්ෂාව හේතුවෙන් තණතීරුව පිතිකරුවන්ට තරමක් වාසිදායක වූ බවය.
