දසුන් ශ්‍රී ලංකාවට ජය ගෙන එයි

තෙවැනි T20 ජාත්‍යන්තර තරඟයේ දී ඔස්ට්‍රේලියාව පරාජය කරමින් කඩුලු 4ක ජයක් වාර්තා කිරීමට ශ්‍රී ලංකා කණ්ඩායම සමත්විය.

පල්ලේකැලේ ක්‍රීඩාංගනයේදී පැවති එම තරඟයේ ජයග්‍රහණය සඳහා අවශ්‍ය ලකුණු 177 පන්දු ඕවර 19.5කදී ලබාගැනීමට ශ්‍රී ලංකා ක්‍රීඩකයින් සමත් වුණි.

ශ්‍රී ලංකා පිල වෙනුවෙන් විශිෂ්ඨ ඉනිමක් ක්‍රීඩා කළ නායක දසුන් ශානක පන්දු 25ක් තුලදී නොදැවී ලකුණු 54ක් රැස් කළේය. දසුන් ශානක ගේ ඉනීමට හයේ පහර 4ක් සහ හතරේ පහර 5ක් එකතු වුවා.

දසුන් ශානක ගේ ඉනිමට අනගි සහයක් දැක්වූ චාමික කරුණාරත්න පන්දු 10 කදී ලකුණු 14ක් රැස් කරන ලදි.

පළමුවෙන් පන්දුවට පහර දුන් ඔස්ට්‍රේලියාව සිය පන්දු ඕවර 20 දී කඩුලු 5ක් දැවී ලකුණු 176ක් රැස් කරන ලදි.

කෙසේ වුවද තරග 03 කින් සමන්විත විස්සයි 20 තරගාවලිය 2-1ක් ලෙස ඔස්ට්‍රේලියාව ජය ගන්නා ලදි.