කිතුණු බැතිමතුන් මහත් භක්තියෙන් සමරන මහ සිකුරාදා දිනය අදයි.
යේසුස් ක්‍රිස්තුන් වහන්සේ, මිනිස් වෙස් ගත් ප්‍රේමය ලෙස කිතුණු භක්තිකයින් විශ්වාස කරයි.
උන්වහන්සේ සිය ජීවිතය ලෝක ජනතාවගේ පාපය නිසා අද වැනි දිනක පූජා කළේ ය.
මුල් යුගයේ සිටම ශෝකයේ සහ නිරාහාරශීලයේ දිනයක් ලෙස මහ සිකුරාදා දිනය කිතුණු බැතිමතුන් සලකනු ලබයි.
ක්‍රිස්තුස් වහන්සේ කුරුසියේ තබා ඇණ ගැසීම සහ මරණය සිහිකරමින් එදිනට නියමව ඇති වත්පිළිවෙත් ඉටු කිරීමට කිතුණු බැතිමතුන් කටයුතු කරන අතර ඊට සමගාමීව කතෝලික දේවස්ථාන වල පැය තුනක දේව මෙහෙයක් පැවැත්වෙයි.
හෙට (16) දිනයේදී කිතුණු බැතිමතුන් දිව්‍ය පුජාවට සහභාගී වන්නේ ආලේලුයියා සෙනසුරාදා සිහිපත් කරමිනි.
අනතුරුව ජේසුස් වහන්සේගේ උත්ථානය හෙවත් මළවුන් පරදා නැවත නැගිටීම සිහිකරමින් අනිද්දා (17) දිනයේ කිතුනු බැතිමතුන් පාස්කු ඉරිදා සමරයි.
