ස්වාධින රටක් ලෙස ශ්‍රී ලංකාව කිසිදු අවස්ථාවක, කිසිම රටකට යුද්ධයකදී සහයෝගය ලබා දීමට සූදානම් නොමැති බව රාජ්‍ය අමාත්‍ය ශෙහාන් සේමසිංහ මහතා පැවැසීය.
යුද්ධය හමුවේ 30 අවුරුද්දක් පීඩා විදි රටක් විදහටත් ත්‍රස්තවාදය සම්පූර්ණයෙන් තුරන් කරමින් මිනිසුන්ට නිදහස් හුස්මකට උරුම කම් කිවීමට අයතිය ලබා දුන් රටක් ලෙසත් නම් දරා ඇති වත්මන් රජය ලේ වැගරීම් වලට සහය ලබා දීම කිසිදු විටක අනුමත කරන ක්‍රියාවලියක් නොවන බව ද රාජ්‍ය ඇමැතිවරයා සඳහන් කළේය.
රුසියානු, යුක්රේන් යුද්ධය හමුවේ ඉදිරියෙදී කුමන හෝ රටකට වත්මන් රජය යුධ සහය ලබා දීමට සූදාන්මව සිටීද යන්න අප කළ විමසීමේදී රාජ්‍ය අමාත්‍ය ශෙහාන් සේමසිංහ මහතා පැවැසුවාය.
එහිදී වැදුරටත් අදහස් දැක්වූ රාජ්‍ය ඇමැතිවරයා මෙසේද කීය,
අපේ රටේ ජාතික ආරක්ෂාව තහවුරු කිරීම ගෝඨාභය රාජපක්ෂ ජනාධිපතිතුමාගේ නායකත්වය යටතේ සිදු වෙනවා වගේම කලාපීය ආරක්ෂාව තහවුරු කිරීමේදී ශ්‍රී ලංකාව ලබා දෙන්න පුලුවන් දායකත්වය උපරිම මට්ටමින් ලබා දෙන්න අපි කටයුතු කරනවා. ඒ හින්දා අපිට රටක් හැටියට හුදකලාව ආර්ථිකය ශක්තිමත් කරන්නත් ආරක්ෂාව ශක්තිමත් කරන්නත් හුදකලාව කටයුතු කරන්න බෑ.
ලෝකයේ අනිත් රටවල් සහ විශේෂයෙන්ම අසල්වාසී කලාපීය රටවල් සමග අපි සුහදව අත් වැල් බැදගෙන කටයුතු කරන්න ඕනේ. අන්න ඒ හිනිදා රටේ ආරක්ෂාව වගේම කලාපීය ආරක්ෂාව තහවුරු කරද්දි ශ්‍රී ලංකාවට වැදගත් කාර්යය භාරයක් ඉටු කරන්න තියෙනවා. අපි ඒ වගතීම ඉටු කරනවා.
ස්වාධින රටක් ලෙස ශ්‍රී ලංකාව කිසිදු අවස්ථාවක, කිසිම රටකට යුද්ධයකදී සහයෝගය ලබා දීමට සූදානම් නෑ. අපි යුද්ධය වින්දතියෝ. අපි රටක් හැටියට දැක්කා සාමාන්‍ය ලෙස ත්‍රස්තවාදයට උඩගෙඩි දීපු සමහර රටවල් තිබ්බා. සමහර දේශපාලන කදවුරු අපේ රට තුළත් තිබ්බා. අපේ රටින් බැහැරවත් තිබ්බා.
ඒ හින්දා යුද්ධයක් වෙනුවෙන් සහයෝගයක් කිසිම කෙනෙකුට අපි දක්වන්නේ නෑ. අපි රාජ්‍ය ප්‍රථිපත්ති අනුගමනය කරන රටක්. අපි ස්වාධීනව කටයුතු කරන රටක්. අපි රටේ සහ ලෝකයේ සාමය වෙනුවෙන් සෑම අවස්තාවකය පෙනී සිටින රටක්.
ඒ හින්දා එක රටකට විරුද්ධව තවත් රටකට පෙනී හිටීම අවශ්‍යතාවයක් අපට රටක් හැටියටත් ප්‍රථිපත්තියක් හැටියටත් නෑ.
